ЧР ҫутҫанталӑк министрӗн тӑваттӑмӗш ҫум пулӗ. Ку пукана Татьяна Лукина йышӑннӑ.
Ҫӗнӗ ҫум ведомствӑн экономика тата финанс ӗҫӗсене тӗрӗслесе тӑрӗ. Татьяна Лукина унччен ҫак министерствӑрах патшалӑх учрежденийӗсемпе ӗҫлекен пая ертсе пынӑ.
Хальхи вӑхӑтра Эмир Бедертдиновӑн 4 ҫум: Елена Хомченко (пӗрремӗш ҫум), Елена Дымза, Николай Охотин и Татьяна Лукина.
ЧР Сывлӑх сыхлавӗн министерствине ҫӗнӗ ҫын ертсе пырӗ. Министр должноҫне Лариса Тарасовӑна ҫирӗплетнӗ. Вӑл ку тытӑмра 38 ҫул вӑй хурать, вӗсенчен 27-шне – ертӳҫӗ должноҫӗнче.
Лариса Владимировна Хусанта ҫуралнӑ, И.Н.Ульянов ячӗллӗ ЧПУра вӗреннӗ. 2021 ҫулхи пуш уйӑхӗнчен пуҫласа ку таранччен Республикӑри клиника пульницинче гастроэнтерологи уйрӑмӗн заведующийӗ, ЧР Сывлӑх сыхлавӗн тӗп терапевчӗ тата гастроэнтерологӗ пулнӑ, ЧПУн факультет тата госпиталь терапин кафедрине ертсе пынӑ.
Аса илтерер: унчченхи министра Владимир Степанова портфельсӗр вице-премьера лартнӑ. Министр пуканӗ 2 уйӑх пушӑ пулнӑ.
Чӑваш Енӗн пӗрремӗш Элтеперӗ пулнӑ Николаев Фёдорова республика Элтеперӗ Олег Николаев сенатор должноҫне шантарнӑ.
Шӑматкун, утӑ уйӑхӗн 12-мӗшӗнче, вӗсем тӗлпулнӑ. Николай Фёдоров сенатор пулнӑ май туса ирттернӗ ӗҫсем пирки каласа кӑтартнӑ. Унсӑр пуҫне регионӑн 2030 ҫулчченхи аталанӑвӗн комплекслӑ программине сӳтсе явнӑ.
Олег Николаев республика ертӳҫине суйлансан Николай Фёдоровах Чӑваш Енен ӗҫ тӑвакан влаҫӗн сенаторен должноҫӗнче хӑварма шантарнӑ.
Маларах ку должноҫе республикӑн культура министрне Светлана Каликовӑна шанса парӗҫ текен сӑмах тухнӑ.
ЧР Элтеперӗҫн пресс-секретарӗ Борис Краснов кӑҫал нарӑсӑн 10-мӗшӗнче ӗҫрен кайнӑ хыҫҫӑн ку вырӑн пушӑ пулнӑ. Акӑ халӗ тинех, ҫур ҫултан, Элтепер валли пресс-секретарь тупӑннӑ.
Ку пукана Григорий Буйлов йышӑннӑ. Вӑл Удмурт Республикинче Ижевск хулинче ҫуралнӑ. 1998 ҫултанпа медиара ӗҫленӗ, PR тата информаци сферинче тӗрлӗ должноҫ йышӑннӑ. Унӑн биографийӗ Севастополь кӗпӗрнаттӑрӗ пулнӑ Дмитрий Овсянниковпа тачӑ ҫыхӑннӑ.
Ҫӗнӗ Шупашкар хулин пуҫлӑхӗ Максим Семёнов хӑйне отставкӑна янипе килӗшесшӗн мар. Вӑл вырӑнти Депутатсен пухӑвӗн йышӑнӑвне хирӗҫлесе суда тавӑҫпа тухнӑ.
«Правда ПФО» тӗнче тетелӗнчи хаҫат хыпарланӑ тӑрӑх, суд ун пек ӗҫсене хӑвӑрт, заявлени пырса ҫитнӗ хыҫҫӑн 10 кунта, пӑхса тухать. Юристсем шухӑшланӑ тӑрӑх, ответчика хӳтӗленме ҫӑмӑл пулас ҫук, мӗншӗн тесен муниципалитет органӗ ун пек йышӑнӑва хӑйӗн полномочийӗпе килӗшӳллӗн туман имӗш.
ЧР вӗренӳ министрӗн пӗрремӗш ҫумӗ пулнӑ Антонина Буданцова Шупашкарти 4-мӗш гимназие ертсе пыма тытӑннӑ. Вӑл министр ҫумӗнче 2024 ҫулхи кӑрлачран пуҫласа кӑҫалхи ҫу уйӑхӗччен ӗҫленӗ.
Гимназире вара унччен унта физкультура учителӗнче ӗҫленӗ ҫын директор пулнӑ. Вӑл должноҫрен кайнӑ. Ун умӗн вара чылай вӑхӑт, 2022 ҫулхи авӑн уйӑхӗнченпе, директор тупайман.
Промышленноҫ аталанӑвӗн фончӗн ертӳҫине Евгений Теллина ӗҫрен кӑларни пирки пӗлтӗрнӗччӗ. Халӗ ӑна ЧР промышленноҫ министрӗн ҫумне лартасси пирки хушу тухнӑ.
Аса илтерер: вӑл Промышленноҫ аталанӑвӗн фондне 3 ҫул ертсе пынӑ. Евгений Теллин Елчӗк районӗнче 1982 ҫулта ҫуралнӑ, И.Н.Ульянов ячӗллӗ Чӑваш патшалӑх университетӗнчен «Тӗнче экономики» специальноҫпе вӗренсе тухнӑ.
Хале ЧР промышленноҫ тата энергетика министрӗн Сергей Лекаревӑн икӗ ҫум: Дмитрий Гринев и Евгений Теллин.
Чӑваш Енри промышленноҫ аталанӑвӗн фончӗн ертӳҫине Евгений Теллина ӗҫрен кӑларнӑ. Ҫапла йышӑннӑ ӗнер Министрсен Кабинечӗн пуҫлӑхӗ.
Вӑл ку должноҫре 3 ҫула яхӑн ӗҫленӗ, ку пукана 2022 ҫулхи авӑн уйӑхӗнче йышӑннӑ.
Евгений Теллин унччен, 2004-2020 ҫулсенче, банк тытӑмӗнче ӗҫленӗ. Промышленноҫ аталанӑвӗн фондне 2020 ҫулта килнӗ, 2021 ҫулхи юпа уйӑхӗнче ертӳҫӗ ҫумӗ пулса тӑнӑ. «Чеб.ру» информацийӗ тӑрӑх, ӑна ЧР промышленноҫ министрӗн пӗрремӗш ҫумне лартма пултараҫҫӗ.
РФ Президенчӗн Владимир Путинӑн хушӑвӗпе килӗшӳллӗн Чӑваш Енри шалти ӗҫсен министрӗн пуканне полици генерал-майорӗ Сергей Кондрашов йышӑннӑ.
Унччен вӑл, 2022 ҫултанпа, Тыва Республикин ШӖМне ертсе пынӑ. Ҫавӑн пекех вӑл Орлов облаҫӗнчи йӗрке хуралӗнче ӗҫленӗ.
«Ҫыхӑнура» портал пӗлтернӗ тӑрӑх, хальлӗхе коллектива Сергей Кондрашовпа паллаштарман.
Чӑваш Енӗн ҫутҫанталӑк ресурӗсен тата экологи министрӗн тӑватӑ ҫум пулӗ.
Республикӑн Правительствинче ӑнлантарнӑ тӑрӑх, «ҫӗнӗ должность ведомствӑн экономика тата финанс ӗҫ-хӗлне тӗрӗслесе тӑрассине вӑйлатӗ». Хайхи ҫӗнӗ заместитель экономика тата финанс пайӗсемшӗн, тупӑшсене администрацилессишӗн тата ревизи ӗҫӗшӗн яваплӑ пулӗ.
Ҫутҫанталӑк ресурӗсен тата экологи министрӗ пулса Эмир Бедертдинов тӑрӑшать. Паянхи куна унӑн виҫӗ ҫум: Елена Хомченко (пӗрремӗш заместитель), Елена Дымза тата Николай Охотин.
-8.7 °C